Mexicos president legg skulda for massakre på narkokartell
Mexicos president Andres Manuel Lopez Obrador skylder på narkokartell etter at minst 24 personar vart drepne i eit angrep.
Angrepet skjedde onsdag på eit behandlingssenter for rusavhengige i delstaten Guanajuato, som har vorte eit sentrum for gjengvald.
– Vi vil ikkje svikte folket i Guanajuato, sa Lopez Obrador på ein pressekonferanse. Han fastslo at det som oftast er kriminelle gjengar som står bak slike angrep.
Han har òg tidlegare lova å kjempe mot valden som herjar delstaten.
Minst 24 personar vart drepne då fleire personar tok seg inn i behandlingssenteret og byrja å skyte. Ikkje stadfesta meldingar har anslått at så mange som 30 kan ha vorte drepne.
(©NPK)
Mexicos president Andres Manuel Lopez Obrador skyldar på narkokartell etter at minst 24 personar vart drepne i eit angrep onsdag. Foto: Marco Ugarte, AP / NTB scanpix
