Microsoft melder om 740 infiltrasjonsforsøk i fjor
Programvareselskapet Microsoft vart utsett for 740 infiltrasjonsforsøk i 2018, mange frå statlege operatørar.
Målet for infiltrasjonsforsøka var politiske parti i USA, valkampanjar og ulike typar organisasjonar som i vid forstand er med i den demokratiske prosessen, opplyser selskapet. Ut over dette vil ikkje Microsoft seie noko som kan identifisere måla nærare, ei heller utøvarane.
Infiltrasjonsforsøka er avdekte av Microsofts vernteneste AccountGuard, som alle dei utsette brukarane nyttar seg av. Denne tenesta tilbyr gratis vern for kandidatar, parti og politiske organisasjonar.
Microsoft opplyste for eitt års tid sidan at det var oppdaga forsøk på å infiltrere heimesidene til kandidatar i samband med kongressvalet i USA
Oversikta som Microsoft gav torsdag, kjem i samband med det årlege tryggingsforumet i Aspen i Colorado.
(©NPK)
Illustrasjonsfoto: Frank May / NTB scanpix
