Miljøaktivistar i London limte seg fast til togvogner
Fleire miljøaktivistar limte seg onsdag fast til togvogner i London. Aktivistane vil få innbyggarane i London til å stoppe opp og tenke.
Eit par kledd i dress og drakt limte seg mellom anna fast til eit lokaltog på togstasjonen Canary Wharf i Londons finansdistrikt med eit banner der det stod «klimakrise». Ein annan aktivist limte handa si fast i eit togvindauge før han vart fjerna og arrestert.
Stunta er ein del av klimademonstrasjonane til Extinction Rebellion i påskeveka og veka etter. Måndag og tysdag arresterte politiet meir enn 300 aktivistar i London.
- Ønsket vårt er å skape situasjonar der menneskja stoppar opp og vurderer kor store øydeleggingar vi har påført og påfører livet på jorda, seier gruppa i ei fråsegn onsdag.
Ifølgje det britiske trafikkpolitiet har undergrunnsbanen i London slått av det trådlause internettet for å hindre aktivistane i å stanse den offentlege transporten.
Ordførar Sadiq Khan i London sa tysdag at han deler engasjementet til aktivistane, men at han er bekymra over planane om å forstyrre undergrunnen.
- Det er avgjerande at fleire folk bruker offentleg transport, viss vi skal løyse denne klimakrisa, sa Khan.
Organisasjonen Extinction Rebellion vart starta i Storbritannia for fem månader sidan. Organisasjonen bruker ikkjevaldeleg sivil ulydnad for å fremme bodskapen sin. Målet er å presse regjeringane i fleire land og andre mektige institusjonar til å erklære unntakstilstand for klimaet.
Klimaorganisasjonen planlegg å demonstrere i to veker i Storbritannia og i 32 andre land.
(©NPK)
Politiet snakker med aktivister som har klatret opp på et tog og limt seg selv fast til en togvogn på Canary Wharf stasjon øst i London. Stuntet er en del av klimaprotestene til Extinction Rebellion Foto: Kirsty O'Connor /PA via AP / NTB scanpix
Politifolk snakker til demonstranter som har lagt seg under en lastebil for å blokkere Waterloo Bridge onsdag ettermiddag. Foto: Frank Augstein / AP / NTB scanpix
Klimaaktivister har limt seg fast i hverandre utenfor huset til Labour-leder Jeremy Corbyn nord i London. Stuntet er en del av den pågående klimaprotesten i Storbritannias hovedstad. Foto: Kirsty O'Connor/PA via AP / NTB scanpix
Demonstranter blokkerer Oxford Circus i London som en del av klimaprotestene arrangert av klimaaktivistgruppen Extinction Rebellion. Foto: Frank Augstein / AP / NTB scanpix