Mjøndalen hentar tilbake midtbanespelar
Mjøndalen hentar Pontus Silfwer frå Halmstad. Svensken kjem gratis og har skrive under på ein kontrakt som strekker seg ut 2021-sesongen.
Det stadfestar Mjøndalen på nettsidene sine tysdag.
Dette blir Silfwers andre periode i den norske klubben. Han spelte 17 seriekampar for Mjøndalen i 2017 før han vart seld til Halmstad. No returnerer altså 27-åringen.
- Dette kjennest nesten som å komme heim, sjølv om opphaldet i Mjøndalen var kort. Klubben gjorde inntrykk på meg og eg følte meg ønskt frå første sekund. No håper eg opphaldet blir lengre enn førre gong, seier han til heimesidene til klubben.
Mjøndalen ligg på 11.-plass i Eliteserien. Klubben fekk ein etterlengta siger i helga då dei vann 2-0 over topplaget Odd.
(©NPK)
Pontus Silfwer er tilbake i Mjøndalen. Foto: Mats Torbergsen / NTB scanpix
