Nordre

MLS-sjef: - Zlatan til Milan

Ifølgje sjefen for Major League Soccer skal Zlatan Ibrahimovic (38) spele for Milan i Serie A frå årsskiftet.

Zlatans kontrakt med LA Galaxy går ut 31. desember. Då har han vore i klubben i 18 månader. Svensken har halde det ope kva som skjer med fotballkarrieren etter den tid.

- Zlatan er ein svært interessant fyr. Han held meg i arbeid og sørger for at innboksen er full. Han er ein 38-åring som blir henta av Milan, ein av dei største klubbane i verda, seier MLS-sjefen Don Garber i eit intervju med ESPN.

Zlatan spelte i Milan frå 2010 til 2012. På den tida vart det 42 mål i Serie A på 61 kampar.

Veteransvensken har sjølv spøkt med at Spania blir neste stoppestad.

- Hei, Spania! Gjett éin gong. Eg kjem tilbake, skreiv han på Instagram i slutten av oktober.

(©NPK)

Zlatan Ibrahimovic i LA Galaxy-drakt. Foto: Jae C. Hong / AP / NTB scanpix.

ANNONSE
Annonse
ANNONSE
Annonse