Mol og Sørum vann opningskampen i Sveits
Dei norske sandvolleyballstjernene Anders Mol og Christian Sørum vann i strake sett mot heimehåpa Quentin Metral og Yves Haussener i verdstouren i Sveits.
Metral/Haussener hadde eigentleg ikkje nok poeng til å delta i turneringa, men kom inn som eit wildcard. Dermed fekk dei delta i verdstouren på heimebane.
Sveitsarane er rangerte som nummer 39 i verda, og skulle opp mot dei ferske verdsmeistrane i sandvolleyball.
Det var ei jamn opning på det første settet, men dei norske stjernene vann til slutt 21–12 på enkelt vis. Nordmennene fekk ei tidleg leiing i andre settet, men Metral og Haussener utlikna til 17–17 til stor jubel frå publikum.
Dermed vart det ei spennande avslutning på settet, men nordmennene var sterkast og vann 22–20.
Den norske stjerneduoen har vunne både EM, VM og OL. Dei står med to sigrar i verdsserien.
(©NPK)
Anders Mol og Christian Sørum gjekk sigrande ut av opningskampen i verdstouren i Sveits.
Foto: Heiko Junge / NTB
