Nordre

Motorsyklist døydde etter ulykke i Sunnfjord

Ein MC-fører mista livet, og ein er innlagt på sjukehuset i Førde etter ei trafikkulykke i Fjaler i Sunnfjord tysdag kveld

MC-føraren vart sendt med luftambulanse til Haukeland universitetssjukehus i Bergen, der han døydde av skadane natt til onsdag.

Ulykka skjedde på fylkesveg 57 ved Nistadlia i Fjaler kommune.

Politiet fekk melding om ulykka klokka 20.18 tysdag. Politiet seier at fire motorsyklistar, alle menn, køyrde i eit følgje, og to av dei køyrde ut av vegen.

- Årsaka til ulykka er ikkje avklart, seier operasjonsleiar Dag Olav Sætre i Vest politidistrikt til NTB.

Operasjonsleiaren opplyser at førarane køyrde tunge motorsyklar.

(©NPK)

En MC-fører vart flogen til Haukeland universitetssjukehus med luftambulanse, og ein vart frakta til Førde sentralsjukehus etter ein trafikkulykke i Fjaler i Sogn og Fjordane tysdag kveld. Foto: Cecilie Brendehaug Rysjedal / Firda / NTB scanpix

ANNONSE
Annonse
ANNONSE
Annonse