Mowinckel og Vickhoff Lie skuffa i Crans Montana
Ragnhild Mowinckel og Kajsa Vickhoff Lie enda begge langt bak suverene Sofia Goggia i verdenscupforen i Sveits fredag.
Storfavoritten Sofia Goggia leverte ein strålande omgang, leidde på alle mellomtidene og heldt alle konkurrentane bak seg.
Kajsa Vickhoff Lie klarte ikkje å følgje opp utfortreninga på torsdag der ho var raskast av alle. I målområdet var ho tydeleg skuffa og ho enda opp 1,56 sekund bak Goggia. Ragnhild Mowinckel køyrde trygt og godt ned bakken, men var heile 2,38 sekund bak vinnaren.
Vickhoff Lie og Mowinckel var nummer 18 og 30 med 37 løparar i mål.
Austerrikske Stephanie Venier hadde eit verkeleg stygt fall, men skal etter forholda ha det bra.
Etter at ti utøvarar hadde køyrt ned bakken vart rennet avbrote på grunn av vanskelege vindforhold. Rennet kom etter kvart i gang igjen.
Både Mowinckel og Vickhoff Lie har dei beste utforresultata sine frå Val-d'Isère med høvesvis 9.- og 4.-plass.
(©NPK)
Kajsa Vickhoff Lie køyrer ned bakken i Crans Montana. AP / Marco Tacca / NTB
