Nakstad: Liten effekt om alle vaksinar blir sette i Oslo
Sjølv om alle tilgjengelege vaksinar hadde vorte sette i Oslo, ville det ha liten effekt på smittespreiinga, seier assisterande helsedirektør Espen Nakstad.
Til VG fortel Nakstad at det vil bli gjorde fortløpande vurderingar kvar einaste veke. Intervjuet er gjort i forkant av pressekonferansen om vaksinestrategi tysdag ettermiddag.
– Viss vi hadde teke alle dei vaksinane vi har tilgang til no og sett dei inn i Oslo, hadde det likevel hatt liten effekt på smittespreiinga fordi vi førebels har for få vaksinar, seier Nakstad.
Med dagens situasjon er det riktig å prioritere dei mest sårbare pasientane over heile landet framfor å prøve å stoppe smitten i Oslo, legg han til.
(©NPK)
Assisterande direktør Espen Rostrup Nakstad i Helsedirektoratet på ein pressekonferanse nyleg. Foto: Berit Roald / NTB
