Nedgang i talet på organdonasjonar
Nye tal viser ein nedgang i talet på transplantasjonar under koronapandemien. Samtidig er det rekordlange ventelister for nyretransplantasjon.
Hittil i år har 194 pasientar fått eitt eller fleire nye organ. 49 donorar har gitt til saman 215 organ, noko som er færre enn på same tid i fjor, viser tal frå Oslo universitetssjukehus. Tilsvarande tal på same tid i 2019 var 255 organ til 238 pasientar frå 61 donorar.
Ifølgje Stiftelsen Organdonasjon er tala er betre enn venta når ein tek koronapandemien i betraktning. Ifølgje stiftelsen er det no rekordlange ventelister for nyre – av 501 pasientar som ventar på eit nytt organ i Noreg, er heile 416 nyrepasientar.
– Ei av forklaringane på nedgangen i talet på donasjonar, er at det har vore færre ulykker. Dette som følgje av at befolkninga i større grad har halde seg heime, skriv Stiftelsen Organdonasjon i ei pressemelding.
(©NPK)
Illustrasjonsfoto: Gorm Kallestad / NTB scanpix
