Neymar med gode nyheiter til PSG-fansen
Fotballstjerna Neymar antydar at han er klar for å forlengje kontrakten sin med Paris Saint-Germain.
Tysdag kveld slo PSG ut Bayern München av meisterligaen etter 0-1-tap. Med 3-3 samanlagt tok det franske laget seg vidare til semifinale på bortemålsregelen.
Etter kampen snakka Neymar, som har vore rykta vekk frå klubben tidlegare, om ei mogleg kontraktsforlenging.
– Det er ikkje lenger eit problem. Eg føler meg veldig tilpass og heime hos PSG. Eg føler meg gladare enn eg var før, sa Neymar til ESPN Brasil.
Neymars kontrakt med klubben går ut 2022.
PSGs president Nasser al-Khelaifi sa at verken Neymar eller Kylian Mbappé, som også har ein kontrakt som går ut i 2022, har nokon grunn til å forlate klubben.
– Neymar og Kylian har ingen unnskyldningar for å dra. Vi har alt som skal til for å vinne alle turneringar, sa han til RMC Sport ifølgje nettstaden Goal.
Neymar kom til PSG frå Barcelona i 2017. PSG møter anten Manchester City eller Borussia Dortmund i semifinalen i meisterligaen.
(©NPK)
Neymar i duell med Lucas Hernández i semifinalen i meisterligaen tysdag. Foto: François Mori / AP / NTB
