NHO Reiseliv fornøgd med tiltakspakken
Administrerande direktør i NHO Reiseliv Kristin Krohn Devold rosar Frp og regjeringa for å ha sikra fleirtal for det ho kallar «viktig reiselivspolitikk».
– Førebels har vi ikkje fått beskjed om anna enn at det er semje om å behalde lågmoms på 6 prosent og å skrote flypassasjeravgifta ut året. Det er positivt at same momssats som i vår blir vidareført, seier Krohn Devold.
Vidare påpeikar Krohn Devold at den nye kompensasjonsordninga som er under utforming, vil vere den viktigaste for at reiselivsbedrifter skal overleve.
– Innhaldet i kompensasjonsordninga for reiselivet, som er aller viktigast for å overleve, er derimot enno ukjent. Den må vere konkret før ein kan seie at ein pakke er klar, seier Krohn Devold.
(©NPK)
Kristin Krohn Devold, administrerande direktør i NHO Reiseliv, er positiv til løysinga mellom regjeringspartia og Frp. Foto: Håkon Mosvold Larsen / NTB