Ni nye positive koronatestar i NBA
Ytterlegare ni spelarar i den amerikanske basketballigaen NBA har testa positiv for koronaviruset. Totalt har 25 spelarar testa positivt.
I tillegg har ti andre personar knytt til ligaen testa positivt, opplyser NBA torsdag.
NBA planlegg å ta opp att sesongen i eit anlegg i Orlando 30. juni. Ligasjef Adam Silver har tidlegare uttalt at sesongen i utgangspunktet vil halde fram trass i positive koronatestar.
Totalt 22 lag skal delta i avslutninga i Orlando. Det er dei 16 laga som allereie ligg på sluttspelsplassane, og dessutan seks andre lag. Spelarane og støtteapparatet vil leve i eit lukka miljø og bli koronatesta dagleg. Ingen supporterar får vere til stades på kampane.
Sesongen vart sett på pause 11. mars som følgje av pandemien.
(©NPK)
NBA-sjef Adam Silver har tidlegare uttalt at sesongen vil fortsette 30. juni trass i positive koronatestar. Foto: Jae C. Hong / AP / NTB scanpix
