Éin fastklemd etter ulykke på E8 i Balsfjord
Nødetatane har rykt ut til ei trafikkulykke på E8 på Seljelvnes i Balsfjord i Troms. Éin person er fastklemd.
– To personbilar skal vere involvert, det er opplyst om personskade, skriv Troms politidistrikt på Twitter.
I ei oppdatering opplyser politiet at tre personar er involverte, og at éin person er fastklemd i den eine bilen.
– Store materielle skadar. Trafikken står på staden, skriv politiet.
(©NPK)
