Noreg har fått ein ny by
Talet på byar her i landet aukar no med ein ny by. Kommunestyret i Vestre Toten i Oppland vedtok einstemmig og med applaus at Raufoss skal få bystatus
Spørsmålet om bystatus skapte lett og lystig stemning i kommunestyresalen, skriv Oppland Arbeiderblad. Alle stilte seg bak forslaget.
Raufoss har omtrent 8.000 innbyggarar og er for utanforståande kanskje mest kjent for Raufoss Ammunisjonsfabrikker, i dag Nammo. I dag held omtrent 40 bedrifter med 3.000 tilsette til i Raufoss Industripark.
Før dette vedtaket hadde Noreg 104 byar, ifølgje Store Norske leksikon. Det er opp til kvar enkelt kommune om dei vil vedta at tettstader skal kalle seg by.
(©NPK)
