Noreg måtte gi tapt for Sverige i curling-EM

Noregs curlingherrar tapte 4-5 mot Sverige i curling-EM i Estland tysdag. Dermed står det norske laget med tre sigrar og like mange tap så langt i turneringa.

Sverige leidde 3-0 etter dei to første omgangane, ei leiing skip Steffen Walstad og det norske laget ikkje klarte å hente inn.

Det vart rett nok to norske poeng i den tredje omgangen, men etter det vart det eitt poengfattig oppgjer på den estlandske EM-isen. Noreg henta eitt poeng i runde sju og ti, mens svenskane tok eitt poeng i runde fem og ni.

Dermed enda det med 4-5- siger til dei blågule.

Svenskane har så langt vunne alle sine seks kampar i meisterskapen.

Noregs neste kamp blir spelt mot Finland tysdag ettermiddag. I tillegg til Walstad er det norske EM-laget sett saman av Markus Høiberg, Magnus Nedregotten, Magnus Vågberg og Steffen Mjøllemsseter.

(©NPK)

Magnus Nedregotten er med på det norske laget i curling-EM. Tysdag blei det tap 4-5 mot Sverige. Foto: Timo Jaakonaho / NTB scanpix.

Annonse
Annonse