Nordre

Noreg samde med Storbritannia om mellombels vareavtale

Noreg, Island og Storbritannia er samde om ein mellombels vareavtale, som vil gjelde frå 1. januar og fram til ein frihandelsavtale trer i kraft.

Med den nye avtalen fortset varehandelen mellom Noreg og Storbritannia med same tollsatsar når Storbritannia forlèt den indre marknaden midnatt 31. desember.

– Det har vore viktig for oss å jobbe for at denne avtalen tek vare på det umiddelbare behovet til næringslivet for å unngå høgare tollsatsar, medan forhandlingane om ein frihandelsavtale held fram, seier næringsminister Iselin Nybø (V) i ei pressemelding.

Regjeringa skriv i pressemeldinga at partane tek sikte på å avslutte forhandlingane om ny frihandelsavtale så fort som mogleg.

(©NPK)

Næringsminister Iselin Nybø (V) håpar på rask ferdigstilling av ny frihandelsavtale. Foto: Terje Bendiksby / NTB

ANNONSE
Annonse
ANNONSE
Annonse