Nordre

ANNONSE
Annonse

Norske stortalent med i britisk aviskåring

Norske Joshua Kitolano og Edvard Tagseth har fått plass på den britiske storavisa The Guardians liste over dei største fotballtalenta i verda.

Den velrenommerte avisa har utarbeidd si årlege liste over dei 60 mest talentfulle spelarane i verda fødde i 2001. Den har to norske innslag.

Odd-spelar Joshua Kitolano har vore solid i Eliteserien den siste tida og signerte nyleg ein ny kontrakt med skiensklubben. Den nye avtalen går fram til 2021.

Edvard Tagseth høyrer til Liverpools U18-mannskap, der han inntil nyleg har vore trent av Anfield-legenda Steven Gerrard. Midtbanespelaren signerte for Liverpool allereie i 2014, men slutta seg til storklubben først i fjor.

Gerrard har samanlikna den talentfulle nordmannen med James Milner.

The Guardians plukkar kvart år ut éin spesiell årgang og utarbeider lista over dei 60 mest talentfulle spelarane. Martin Ødegaard er blant dei norske spelarane som tidlegare har fått omtale av storavisa.

(©NPK)

Odds Joshua Kitolano i eliteseriekampen i fotball mellom Sandefjord og Odd. Foto: Trond Reidar Teigen / NTB scanpix

ANNONSE
Annonse
ANNONSE
Annonse