Ny etterretningssjef teken i eid i USA
John Ratcliffe, ein tidlegare republikansk politikar, vart tysdag formelt innsett som USAs øvste etterretningssjef.
Ratcliffe vart innstilt til stillinga av Senatet førre veke. Avstemminga følgde partilinjene i det øvste kammeret i Kongressen der Det republikanske partiet har fleirtal.
Trump prøvde allereie i fjor å nominere politikaren frå Texas til stillinga, men Ratcliffe trekte seg då det vart stilt spørsmål ved om han hadde tilstrekkeleg kompetanse.
Demokratiske senatorar fryktar òg at han vil tilpasse amerikanske etterretningsrapportar slik at dei passar med Trumps oppfatningar.
I ei høyringa i starten av mai der han prøvde å overtyde dei amerikanske senatorane, sa Ratcliffe at han oppfatta Kina som den største trusselaktøren no.
Det er tidlegare ambassadør til Tyskland og Trump-støttespelar Richard Grenell som har fylt rolla som USAs øvste etterretningssjef den siste tida. Det er ikkje venta at Grenell vender tilbake jobben som ambassadør, opplyser kjelder til nyheitsbyrået DPA.
Det kvite hus' pressetalskvinne Kayleigh McEnany har uttalt at Grenell er eit «høgt verdsett medlem av denne administrasjonen» og at «vi skal sjå kvar han fortset».
(©NPK)
John Ratcliffe vart tysdag formelt innsett som USAs øvste etterretningssjef. Foto: Andrew Harnik / AP / NTB scanpix
