Ny flyplass i Nordland får milliardar
Regjeringa løyver 1,8 milliardar kroner til ny storflyplass i Rana i Nasjonal transportplan.
I tillegg til pengane frå regjeringa er det lagt opp til eit lokalt bidrag på til saman 600 millionar kroner, skriv NRK.
Prosjektet er prioritert i første del av Nasjonal transportplan. Totalt vil flyplassen koste 2,4 milliardar.
Onsdag vart det kjent at regjeringa set av over 3 milliardar til ny flyplass i Bodø.
Førstekandidat for Nordland Høgre Bård Ludvig Thorheim trur bakgrunnen for løyvinga er at regjeringa ser er stort vekstpotensial på Helgeland og i Nordland.
– Med industriutvikling og sjømatnæringa. Dette er eksportnæringar som tener heile Noreg vel, så dette er noko alle bør vere glade for, også i eit nasjonalt perspektiv.
(©NPK)
Regjeringa løyver 1,8 milliardar kroner til ny storflyplass i Rana. Illustrasjonsfoto: Foto: Håkon Mosvold Larsen / NTB / NPK
