Ny OL-medalje til Hvas - sølv på 50 meter butterfly

Svømmekometen Tomoe Zenimoto Hvas (19) var marginale eitt hundredelssekund frå gullet og delte sølvet i finalen på 50 meter butterfly i ungdoms-OL torsdag.

Svømmekometen Tomoe Zenimoto Hvas (19) var marginale eitt hundredelssekund frå gullet og delte sølvet i finalen på 50 meter butterfly i ungdoms-OL torsdag.

Hvas (19) svømte inn til tida 23.63. Det var 0,01 sekund bak vinnaren, russaren Andrej Minakov og likt med ein annan russer, Daniil Markov. Italienske Thomas Ceccon var to hundredelssekund bak nordmannen denne gangen. Ceccon tok sølvet da Hvas tok gull på 200 meter medley måndag, mens italienaren tok sølv et hundredelssekund framfor Hvas' bronse på 50 meter rygg onsdag.

Ungguten slo gjennom som 17-åring i fjor haust med bronse på same distanse i kortbane-EM for seniorar.

Hvas har til saman ni norske seniorrekordar, inkludert seniorrekorden på 50 meter butterfly, som er på 23.59, fire hundredelssekund raskare enn tida han presterte torsdag.

Han leder an i medley, butterfly- og ryggsvømming. Han har dessutan fleire juniorrekordar, der han også dominerer i brystsvømming.

(©NPK)

Tomoe Zenimoto Hvas frå Noreg i aksjon i butterfly. Arkivfoto: Jessica Gow/TT / NTB scanpix

ANNONSE
Annonse
ANNONSE
Annonse