Nordre

ANNONSE
Annonse

Ødegaard tilbake i trening: Serieopninga meir aktuell

Martin Ødegaard deltok på Real Madrids onsdagsøkt. Dermed aukar sjansen for at han kan vere med på sesongstarten borte mot Real Sociedad søndag.

Ødegaard var uggen eit par dagar tidlegare i veka. På Real Madrid nettside kom det fram at nordmannen var tilbake i aksjon onsdag.

– Han har vore uheldig og vore litt småsyk dei siste par dagane. Han er testa mange gonger og er koronafri, sa onkelen Thomas Ødegaard til NTB måndag.

Ødegaard var ikkje med då Real-troppen spelte ein treningskamp mot Getafe tysdag. Laget vann 6-0 etter seks mål av eit «toppa» lag i første omgang.

Ødegaard hadde ein sesong på lån i Real Sociedad. Der gjorde han det særs bra. Søndag kan han vere tilbake på den tidlegare heimebana si i San Sebastián.

Real Madrid tek truleg ut troppen sin til kampen laurdag. Ødegaard skal vere i klar betring med tanke på jumpets knee-skaden.

(©NPK)

Martin Ødegaard kan vere aktuell for serieopninga i Spania saman med Karim Benzema (til høgre) og dei andre Real Madrid-spelarane. Foto: Heiko Junge / NTB

ANNONSE
Annonse
ANNONSE
Annonse