Olimb vann Gullpucken 

Trass utmerkinga er ikkje 29-åringen heilt fornøgd med eigen sesong.

- Ein har litt høgare forventningar til seg sjølv. Eg kunne gjort fleire mål og poeng. Det vil ein alltid, seier Olimb til NRK.

Sesongen enda med 28 poeng i serien for den svenske klubben Linköping og sju poeng på det norske landslaget. No er han klar for retur til den tyske klubben Düsseldorfer EG.

Men Olimb seier han set pris på å få tildelt Gullpucken, som Noregs Ishockeyforbund delar ut til den beste spelaren gjennom året på klubb- og landslag.

Forbundet delte i år også ut prisen til ein parahockeyutøver, og det blei landslagsveteran Audun Bakke (29) frå Vålerenga paradishockey som fekk Gullpucken.

- Ekstremt morosamt. Det betyr at eg gjer ting riktig og klarer å hevde meg i idretten vår. Det er veldig stort sånn sett. Det er mange som kunne fått den, seier Bakke.

Kvinnenes Gullpuck gjekk til den norske Linköping-spelaren Ingrid Morset (25).

- Eg veit det er mange flinke som er med å konkurrere om den prisen. Derfor er eg veldig stolt av å få den i år, seier ho.

Gullpuckvinnarane får delt ut prisen på forbundstinget 9. og 10. juni.

(©NPK)

Ken André Olimb, her i aksjon for landslaget, er tildelt årets Gullpuck. Foto: Tore Meek / NTB scanpix