Oljesektoren må bli stresstesta for klimaendringar, meiner utval
Noreg har eit godt utgangspunkt for å handtere klimarisiko, men stor usikkerheit tilseier at oljesektoren og finanspolitikken bør bli stresstesta, tilrår utval.
Klimarisikoutvalet som regjeringa sette ned i fjor haust, leverte onsdag rapporten sin til finansminister Siv Jensen (Frp).
Utvalet slår fast at konsekvensane av alvorlege klimaendringar kan vere store og vanskelege å føresjå. Noreg bør derfor gjere gode analysar av klimarisiko, spesielt i petroleumssektoren, konkluderer utvalet.
Martin Skancke, som har leidd utvalet, slår fast på at Noreg må førebu seg på både klimaendringar og økonomiske verknader av overgangen til lågsleppsamfunn.
- Risikobildet er i endring, og derfor må vi ha eit system for å vurdere risikoane fortløpande. Vi veit at sjølv om verda når måla i Parisavtalen, vil klimaet halde fram å forandre seg i fleire tiår framover, seier Skancke.
Utvalet meiner at staten bør etablere, halde ved like og offentleggjere eit sett med ulike scenario for oljegassprisar, gassprisar og CO2-priser. Særleg bør oljesektoren og finanspolitikken bli stresstesta, heiter det i ein av konklusjonane.
(©NPK)