Opposisjon vann over regjeringa - i mjølking

Sjølv med den nyutnemnde landbruksministeren på laget klarte ikkje Erna Solberg å slå Ap- og Sp-leiaren i mjølkekonkurransen under Dyrsku'n.

Den uhøgtidelege konkurransen gjekk av stabelen på opningsdagen av Dyrsku'n i Seljord fredag.

Med på laget hadde statsminister Erna Solberg (H) den nye landbruksministeren Bård Hoksrud (Frp) og tidlegare Farmen Kjendis-deltakar Vendela Kirsebom.

Det var likevel laget med Sp-leiar Trygve Slagsvold Vedum, Ap-leiar Jonas Gahr Støre og Petter Pilgaard - også han tidlegare Farmen Kjendis-deltakar - som stod igjen med mest mjølk i mugga etter at alle deltakarane hadde mjølka i eitt minutt kvar.

(©NPK)

Det vart jamt mellom dei to laga under mjølkekonkurransen under Dyrsku'n fredag, men Erna Solberg måtte sjå seg slått av Jonas Gahr Støre (til høgre) og Petter Pilgaard. Foto: Tore Meek / NTB scanpix

ANNONSE
Annonse