Opseth best i Ljubno-kvalifisering – Lundby viste form
Silje Opseth vann kvalifiseringa til verdscuprennet i hopp i slovenske Ljubno fredag. Maren Lundby enda på fjerdeplass.
Det vart ein særs solid norsk dag i Slovenia. Fire hopparar blant dei tolv beste vart fasiten. Alle dei fem norske jentene er klare for rennet på søndag.
Best av alle var Silje Opseth. Holeværingen-hopparen landa på 89,5 meter. Med det var ho 1,4 poeng betre enn heimehåpet Nika Kriznar. Ursa Bogataj, også ho frå Slovenia, vart nummer tre.
Maren Lundby stod bak kvalifiseringas nest lengste svev på 93 meter. Dermed viste den norske hoppdronninga solid framgang etter den skuffande fjerdeplassen i NM-rennet i Trondheim tysdag.
Den nybakte noregsmeisteren Eirin Kvandal enda på 11.-plass etter eit hopp på 84,5 meter. Ho hadde lagvenninna Thea Minyan Bjørdal på plassen bak seg.
Anna Odine Strøm vart nummer 18.
Den sterke norske laginnsatsen lovar godt føre lagkonkurransen på laurdag i Slovenia.
(©NPK)
Silje Opseth vann kvalifiseringa i Ljubno. Foto: Geir Olsen / NTB
