Over 50.000 nye smittetilfelle i USA for andre dag på rad

USA har det siste døgnet registrert 54.000 nye smittetilfelle, opplyser helsestyresmaktene i landet. Det er det høgaste talet som er registrert så langt.

Det er fleire og fleire smitta i ei rekkje delstatar, blant dei Florida, California, Texas, Arizona, Georgia og Nord-Carolina.

Florida er ein av delstatane som er hardast ramma og har registrert 9.500 nye smittetilfelle det siste døgnet.

Smittetala den siste tida har overgått smittetoppane som vart registrerte i april og mai.

(©NPK)

Annonse
Annonse