Pandemien har forårsaka 837 nye dødsfall i Italia
837 er døde i Italia det siste døgnet etter å ha vorte sjuke av koronaviruset. Til saman har 12.428 personar mista livet i landet.
Det samla smittetalet, inkludert døde og pasientar som har vorte friske igjen, har nådd 105.792, ein auke på 4 prosent sidan måndag. Det er den lågaste daglege endringa som er registrert sidan virusutbrotet starta i Italia.
Talet på aktive smittetilfelle, som altså ikkje omfattar døde og friskmelde, har auka med 2,8 prosent til 77.635, medan talet på pasientar som har vorte friskmelde, har auka med 7,6 prosent til 15.729.
(©NPK)
