Pandemien har kosta 40.000 menneske livet
Koronaviruset som spreier seg over heile verda, hadde tysdag kosta meir enn 40.000 menneske livet, ifølgje ei oppteljing nyheitsbyrået AFP har gjort.
Det er så langt registrert godt over 800.000 smitta globalt.
USA er no det landet med flest smitta. Ifølgje nettsida Worldometers.info er talet på koronatilfelle der no over 174.000.
Flest dødsfall er registrerte i Italia, der ein auke på 837 det siste døgnet gir eit samla dødstal på 12.428.
I New York, byen i USA der epidemien har ramma hardast, er det sett opp eit provisorisk likhus for å ta hand om offera for koronapandemien.
Foto: Mary Altaffer / AP / NTB scanpix
