Hotella til Stordalen taper 250 millionar kroner i månaden, og har ti milliardar i gjeld, skriv Dagens Næringsliv.

Heile reiselivsbransjen slit med få bestillingar på grunn av reiserestriksjonar under koronakrisa. No innrømmer Stordalen at heile hotellimperiet står i fare.

– Viss kjøpesenter, hotell og restaurantar er stengde i uoverskodeleg framtid, er det ingen som kan overleve, seier han til DN.

Stordalens hotellkjede Nordic Choice Hotels har ekspandert kraftig dei siste åra. I dag eig kjeda 200 hotell. Desse hotella betaler til saman 300 millionar i månaden i husleige, skriv DN.

(©NPK)

Petter Stordalen er i store økonomiske vanskar.
Foto: Ola Vatn / NTB scanpix