Nordre

Pilegrimar i Gudbrandsdalen

Rekordmange pilegrimar har gått gjennom Gudbrandsdalen i sommar. Dei aller fleste kjem frå Tyskland.

Pilegrimssenteret Dale-Gudbrands Gard i Gudbrandsdalen har hatt besøk av 30 prosent fleire pilegrimar i år enn dei hadde på same tid i fjor, viser tal frå midten av juli, ifølgje Visit Lillehammer.

Det har vore ein markant auke, ifølgje dagleg leiar Per Gunnar Haglien.

- Det har vorte veldig populært å gå. Mange vandrar «leden» utan å vere innom oss òg. I tillegg er det mange lokale som nyttar seg av dei fine turstiane til dagsturar, så talet er nok eigentleg høgare òg, seier Hagelien.

Også overnattingsstadane har merka fleire pilegrimar denne sommaren.

Ved Stasjonen Hotell på Lillehammer er det i år 10 prosent fleire pilegrimar som overnattar enn i fjor.

- Det er pilegrimar i alle aldrar, både unge og godt vaksne, seier Geir Evensen ved hotellet.

Rundt halvparten av pilegrimane kjem frå Tyskland, men det er òg fleire nordmenn blant dei som vel å gå Pilegrimsleden.

(©NPK)

Gudbrandsdalen har fått besøk av mange pilegrimar i sommar. Foto: Cornelius Poppe / NTB scanpix

ANNONSE
Annonse
ANNONSE
Annonse