Politidirektoratet vil forlengje den mellombelse væpninga

Politidirektoratet har tidlegare varsla mellombels væpning av politiet til 5. mars. Væpninga vart gitt på bakgrunn av vurderinga til PST om skjerpa terrortrussel frå ekstrem islamisme.

I ei pressemelding opplyser Politidirektoratet at dei vurderer situasjonen som uendra, og at dei har bede Justis- og beredskapsdepartementet om samtykke til å forlengje den mellombelse væpninga.

Departementet har varsla at dei treng litt meir tid til å behandle oppmodinga.

− Politiet er i tett dialog med PST og vurderer kontinuerleg behovet for å avvikle, forlengje eller innføre nye tiltak som svarer på utviklinga i trusselbiletet. Politidirektoratet vurderer situasjonen i dag som uendra, og har i samråd med Justis- og beredskapsdepartementet vedteke å halde oppe den mellombelse væpninga inntil departementet har behandla oppmodinga om forlenging, seier politidirektør Benedicte Bjørnland.

(©NPK)

Politidirektoratet ber om at den mellombelse væpninga av politiet blir forlengd. Foto: Heiko Junge / NTB