Politiet gjer undersøkingar ved heimen til Wara

Politiet gjer undersøkingar ved heimen til Tor Mikkel Wara og har taua vekk ein personbil, ifølgje NRK. Sambuaren til Wara er sikta for falsk forklaring.

Bilen vart taua bort i 15.30-tida.

Fleire politifolk er på plass utanfor bustaden til justisminister Tor Mikkel Wara. Innsatsleiaren på staden seier til NRK at dei assisterer PST. Politiet gjer tekniske undersøkingar utanfor bustaden, mellom anna ved staden der bilen vart taua bort.

Sambuaren til Wara er sikta for falsk forklaring i trusselsaka mot Wara og heimen til familien. Siktinga handlar om brannen i bilen til familien søndag.

- Vi har mistanke om at den sikta sjølv har sett på brannen, sa PST-sjef Benedicte Bjørnland på ein pressekonferanse torsdag.

(©NPK)

PST held pressekonferanse om truslane mot justisminister Tor Mikkel Wara.
Foto: Cornelius Poppe / NTB scanpix

ANNONSE
Annonse
ANNONSE
Annonse