Nordre

Kontroll på brann i industriområde i Bergen

Brannvesenet har kontroll på brannen som oppstod i eit industriområde i Åsane i Bergen torsdag ettermiddag. Ingen personar er melde skadd eller sakna.

Brannvesenet i Bergen fekk kontroll over brannen i industriområdet Toppemyr ved 17-tida torsdag.

- Vi har kontroll på situasjonen og har sløkt brannen, men har to stasjonar der vi skal observere utover kvelden, seier vaktkommandør Helge Lund i brannvesenet i Bergen til NTB ved 18.45-tida torsdag kveld.

Politiet fekk den første meldinga klokka 16.12.

Både politiet og brannvesenet fekk fleire meldingar frå privatpersonar som melde om «eksplosjonar og kolsvart røyk innover området».

Då politiet kom til staden, oppretta dei ei tryggingssone på 300 meter, og sperra av området. Medan bad brannvesenet folk om å halde god avstand og lukke vindauge i hus for å unngå røyk.

- Det er ikkje meldt om personskadar, eller at nokon er sakna. Vi veit heller ikkje kor mange eksplosjonar det var, seier Helge Lund.

Politiet kalla inn ein skarpskyttar dersom det skulle bli nødvendig å skyte ned fleire glasflasker som var i området.

Det vart meldt om eksplosjon i eit industriområde på Toppe i Åsane torsdag ettermiddag. Foto: Marit Hommedal / NTB scanpix

ANNONSE
Annonse