Prins Sverre Magnus fyller 17
Noregs prins Sverre Magnus har laurdag bursdag og fyller 17 år.
Prinsen vart fødd 3. desember 2005 på Rikshospitalet i Oslo. Han er den tredje i arverekkja til trona her i kongeriket, etter far sin kronprins Haakon og søstera prinsesse Ingrid Alexandra.
Prinsen er glad i å stå på ski, i første rekkje alpint. I tillegg liker han sykling, spesielt BMX og cross, opplyser slottet i biografien til prinsen. Han er også glad i vassport, og kanskje spesielt surfing – ei interesse han deler både med faren og resten av kronprinsfamilien.
Opp gjennom åra har prins Sverre Magnus vore med på ei rekkje offisielle aktivitetar saman med resten av kronprinsfamilien og kongefamilien. Han var seinast i september å sjå på ein Nasjonsliga-kamp mellom Noreg og Serbia på Ullevaal stadion saman med far sin, kronprins Haakon.
I fjor haust byrja prinsen på Elvebakken vidaregåande skule i Oslo, der han går på linja for informasjonsteknologi og medieproduksjon.
(©NPK)
F.v. prins Sverre Magnus, kronprins Haakon på tribunen under fotballkampen i Nations League mellom Noreg og Serbia på Ullevaal stadion i september. Foto: Javad Parsa / NTB / NPK
Prins Sverre Magnus under feiringa til regjeringa av prinsesse Ingrid Alexandras myndigdag i juni. Foto: Håkon Mosvold Larsen / NTB / NPK
Erling Braut Haaland og prins Sverre Magnus før vennskapskampen i fotball på Skaugum stadion i juni. Foto: Lise Åserud / NTB / NPK
