R-talet over 1 i Danmark
R-talet er berekna til 1,1 opplyser Danmarks helseminister Magnus Heunicke. Det er ei stigning frå førre veke, då talet var 1,0 for andre veke på rad.
Trass stigninga meiner Heunice at landet framleis klarer å halde epidemien på eit stabilt nivå.
– Det er ein gunstig situasjon som gir eit godt utgangspunkt for gjenopninga i morgon, skriv han på Twitter.
Når talet ligg på 1,1 vil det seie at ti smitta kan spreie viruset til elleve andre. Då stig smitten. Om talet ligg på 1,0, utviklar smitten seg flatt, medan han vil gå ned dersom det ligg på mindre enn 1,0.
18,4 prosent av Danmarks befolkning har no fått første dose av koronavaksinar, og 8,6 prosent har fått begge dosar.
(©NPK)
