Raude Khmer-leiarar dømde for folkemord

Det er første gong nokon frå Pol Pots berykta regime i det søraustasiatiske landet er dømde for folkemord.

Dommen i den FN-støtta domstolen i tribunalet i Kambodsja fall fredag.

Den ekstreme kommunistrørsla Raude Khmer leidde landet frå 1975 til 1979 . Om lag 1,7 millionar vart i desse åra massakrert eller døydde som følgje av svolt og sjukdom.

- Domstolen finn at Nuon Chea er ansvarleg for alle lovbrota. Dette inkluderer folkemord, sa dommar Nil Nonn i retten.

Han la til at også Khieu Samphan var funnen skuldig i folkemord. Begge blir dømde til livstid i fengsel.

Nuon Chea og Khieu Samphan, som er høvesvis 92 og 87 år gamle, er dei einaste attlevande leiarane av Raude Khmer.

I november 1978 rykte vietnamesiske styrkar inn og fekk slutt på folkemordet. Raude Khmer gjekk tilbake til å føre geriljakrig. I 1991 vart FNs fredsplan underteikna av alle stridande partar, og i 1993 vart kongedømmet innført igjen, og det vart halde val til nasjonalforsamling. Restane av Raude Khmer la ned våpena i 1999 .

(©NPK)

Den tidligere lederen av Røde Khmer Khieu Samphan (87) er dømt til livstid i fengsel for folkemord. Også Nuon Chea (92) er dømt til livstid. Foto: AP / NTB scanpix