ANNONSE
Annonse

RBK risikerer jumboplass i Europaligaen

Rosenborg gjekk på ein ny smell i Europaligaen torsdag og risikerer å bli det dårlegaste laget i gruppespelet. RBK er eitt av berre tre lag utan poeng så langt.

Torsdag blei det 2-5-tap heime mot Salzburg etter 0-4 ved pause. - Ein blir straffa når ein gjer enkle feil. Det var ein svært skuffande kveld, sa RBK-trener Rini Coolen til rbk.no.

Dermed er RBK poenglaus etter på fire av seks kampar. Trønderane har igjen Celtic heime og Leipzig borte.

Så langt er det berre tre klubber med berre tap i Europaligaen denne hausten. Dei to andre er Dudelange (Luxembourg) og tyrkiske Akhisarspor (knapt 2-3-nederlag heime for Sevilla torsdag).

RBK har saman med Akhisarspor nest dårlegast målforskjell (-9) av dei 48 deltakarane. Bare Dudelange (-10) er verre.

Ute i Europa får Rosenborg køyrd seg, men sesongen kan fort ende med ein nasjonal dobbel. RBK leier med fem poeng på tabelltoar Brann med to rundar igjen i Eliteserien.

I starten av desember møtast Strømsgodset og RBK i cupfinalen.

(©NPK)

Rosenborg har det tøft i Europaligaen denne hausten. Foto: Ole Martin Wold / NTB scanpix

ANNONSE
Annonse
ANNONSE
Annonse