RBK vil ikkje kommentere Bendtner-tiltale

Rosenborgs daglege leiar Tove Moe Dyrhaug vil ikkje svare på om valdstiltalen som er tatt ut mot Nicklas Bendtner endrar klubbhandteringa av saka.

Torsdag vart det kjent at den danske fotballstjerna er tiltalt for vald etter den mykje omtalte drosjeepisoden i sentrum av København i førre månad.

Bendtner har inntil no vore sikta etter den mildaste valdsparagrafen i den danske straffelova etter episoden som enda med at ein taxisjåfør vart påført dobbelt kjevebrot.

- Dette kjenner eg ikkje noko til, sa RBKs daglege leiar Tove Moe Dyrhaug då det danske nyheitsbyrået Ritzau kontakta henne om tiltalen torsdag.

Dyrhaug seier vidare at ho ikkje kan svare på om utviklinga i saka endrar noko rundt måten klubben handterer saka.

- Det har eg ingen kommentar til. Eg må sette meg inn i saka. Eg er på ferie akkurat no, så eg har ikkje fleire kommentarar til det no, seier RBK-leiaren.

Dyrhaug har tidlegare sagt at RBK-leiinga ikkje har bestemt nokon reaksjon mot Bendtner, men at ein venta på politibehandlinga av saka.

(©NPK)

Nicklas Bendtner og dagleg leiaer i Rosenborg Tove Moe Dyrhaug møtte pressen saman etter valdsepisoden. Foto: Terje Pedersen / NTB scanpix

ANNONSE
Annonse
ANNONSE
Annonse