ANNONSE
Annonse

Regnvêr i vente på Beitostølen, ingen fare for langrennsopninga

Det er meldt regn i fleire dagar på Beitostølen framover, men mildvêret klarer ikkje å stoppe startskotet for langrennssesongen neste veke.

Arrangøren hadde lagra snøen frå i fjor. Det vart til nylagde konkurranseløyper rundt stadion 1. november.

- Etter det har det vore mildt, men ikkje mildare enn at dette står seg bra. Det var frost i bakken før vi la ut snøen. Mildvêr med regn eller sludd/snø på austavêr i helga vil ikkje påverke nemneverdig, seier Erik Østli til NTB.

Han er arrangementsansvarleg på Beitostølen.

Tre veker etter den nasjonale langrennsopninga neste veke, blir det verdscup på Beitostølen.

- I mellomtida har nok Vår Herre velsigna oss med snø, seier Østli.

(©NPK)

Langrennsløpar Therese Johaug trenar på isbreen under høgdetrening i italienske Val Senales. Til veka startar sesongen i Noreg. Foto: Cornelius Poppe / NTB scanpix

ANNONSE
Annonse
ANNONSE
Annonse