Nordre

Reitan langt bak i Scottish Open

Kristoffer Reitan gjekk opningsrunden på par og er på delt 119.-plass etter første dag av Scottish Open i golf. Det er åtte slag opp til leiarane.

Reitan fekk ein god start med birdie på første hol i North Berwick, men låg på par halvvegs etter at han måtte tole ein bogey på 8. hol. Han greidde ein ny birdie på 12. hol, men ein dobbeltbogey på 15. hol øydela mykje. Han berga par for dagen med birdie på 16. hol.

Reitan er einaste norske deltakar i turneringa med eit startfelt på 156 spelarar. Han må spele seg opp om han skal greie cuten halvvegs.

Fire spelarar er i delt leiing. Amerikanske Matt Kuchar, franske Romain Wattel og italienarane Nino Bertasio og Edoardo Molinari gjekk opningsrunden på 63 slag.

Kuchar og Molinari greidde eagle to gonger kvar torsdag.

(©NPK)

Matt Kuchar er i delt leiing etter første dag av Scottish Open i golf. Foto: David J. Philip, AP / NTB scanpix

ANNONSE
Annonse
ANNONSE
Annonse