Riksrevisjonen skal gå gjennom Kielland-ulykka
39 år har gått sidan plattforma Alexander L. Kielland kantra. No er det bestemt at Riksrevisjonen på nytt skal gå gjennom ulykka, som kravde 123 liv.
Ifølgje Stavanger Aftenblad vedtok kontroll- og konstitusjonskomiteen på Stortinget fredag at Riksrevisjonen skal ta fatt på oppdraget med å sjå på saka på nytt. Det er Stortinget som formelt gir oppdraget i juni.
Odd Kristian Reme mista ein bror i ulykka og er styreleiar i Kielland-nettverket.
- Det gir håp om endelege svar på dei mange spørsmåla etterlatne og overlevande har om kva som eigentleg skjedde, seier han om gjennomgangen i ei pressemelding.
(©NPK)
Plattforma Alexander L. Kielland kantra 27. mars 1980. Foto: Erik Thorberg / NTB scanpix
«Brutt lenke» på Smiodden ved Stavanger er reist for å minnast dei 123 som omkom i Alexander Kielland-ulykka. Arkivfoto: Alf Ove Hansen / NTB scanpix
