Rønningen sprang seg til EM då ho sletta Okparaebos norske rekord
Helene Rønningen feia inn til ny norsk rekord på 200 meter og sprang seg samtidig klar for friidretts-EM i Berlin under Bislett Games torsdag.
På heimebane sprang 19-åringen inn til krutsterke 23,27 og søkkte dermed den norske rekorden. Den førre rekorden hadde Ezinne Okparaebo på 23,30, sett i Florø i 2012.
EM-kravet på distansen var 23,40. Den tida smadra Rønningen som med det er klar for EM i Tyskland.
Etter løpet gav ho ramma på Bislett stadion mykje av æra for at ho klarte å levere då ho aller helst ønskte det.
- Eg trur det har noko med stemninga å gjere. Ein blir ekstra gira. Det er veldig stort trykk på arenaen, og eg trur det var det som gjorde susen, faktisk, sa ho til NTB om kvifor ho fekk ut sitt aller beste akkurat på Bislett.
No kan ho førebu seg på å springe i EM.
- Det er heilt uverkeleg, faktisk. Det hadde eg aldri sett for meg.
(©NPK)
Helene Rønningen sette ny norsk rekord og feia inn godt under EM-kravet på 200 meter på Bislett torsdag. Foto: Vidar Ruud / NTB scanpix
