Russ tiltalt for å ha filma og delt sexvideo av 16-åring

Ei kvinne og ein mann er tiltalt for å ha filma og delt ein video av ein 16-åring som utførte ei seksuell handling på ein russ i fjor.

Jenta på filmsnutten var overstadig rusa og hugsar ingenting frå hendinga, skriv Stavanger Aftenblad.

Morgonen etter låg filmsnutten og venta på 16-åringen på Snapchat. I tillegg hadde han vorte delt med fleire andre russ. Jenta melde det som overgrep, men dette forholdet vart raskt lagde bort.

Likevel vart både jenta som filma hendinga og ein gut som delte videoen vidare sikta for produksjon og deling av overgrepsmateriale. Begge var russ på den tida. Sidan jenta på filmsnutten var under 18 år då det skjedde, dreier det seg om overgrepsmateriale.

Rettssaka er dagsett til slutten av mai i Sør-Rogaland tingrett.

(©NPK)

ANNONSE
Annonse
ANNONSE
Annonse