Nordre

Russisk opposisjonsleiar blant mange arresterte i Moskva

Nærare hundre demonstrantar vart onsdag arresterte i Moskva under ein protest mot arbeidsmetodane til politiet. Blant dei er opposisjonsleiar Alexej Navalnyj.

Demonstrasjonen skjedde i sentrum av den russiske hovudstaden og var ikkje meldt inn på førehand. Demonstrantane skulda politiet for forfalsking av bevis mot den undersøkande journalisten Ivan Golunov.

Journalisten vart lauslaten frå fengsel tysdag, då påtalemakta la bort siktinga på grunn av manglande bevis.

Arrestasjonen av Golunov har utløyst ein storm av protestar både frå vanlege russarar, tilsette i mediebransjen, politikarar og medlemmer av nasjonalforsamlinga.

Innanriksdepartementet skal no granske korleis politiet har gått fram. Fleire av politibetjentane som var involverte i saka, er suspenderte frå jobben, sidan dei visstnok har planta bevismateriale hos Golunov.

(©NPK)

Rundt hundre personar vart arresterte i Moskva onsdag under ein demonstrasjon mot arbeidsmetodane til politiet og planting av bevis. Gravejournalisten Ivan Golunov vart lauslaten tysdag, då siktinga mot han vart lagt bort.
Foto: AP/NTB scanpix

ANNONSE
Annonse
ANNONSE
Annonse