Nordre

Russland forventar ikkje betre USA-forhold etter Boltons exit

Russland har ingen forventingar om at forholdet til USA vil bli betre etter at president Donald Trump sparka den nasjonale tryggingsrådgivaren sin John Bolton.

- Vi har fleire gonger lagt merke til at endringar i den amerikanske administrasjonen ikkje fører til nokon betringar. Derfor har vi ingen forventningar, sa viseutanriksminister Sergej Rjabkov til nyheitsbyrået Novosti tysdag.

- Vi dømmer etter handling, ikkje etter utsegner eller intensjonar. Når vi ser framgang, så kan vi seie at noko har endra seg, sa han vidare.

Forholdet mellom Moskva og Washington har ikkje vore så dårleg sidan slutten av den kalde krigen. Det har kjølna mellom anna som følgje av det ulike synet til partane på Ukraina og skuldingar om russisk innblanding i 2016-presidentvalet.

Tysdag gav Trump Bolton sparken. Trump og Bolton har vore usamde i fleire saker, mellom anna om Iran og Nord-Korea.

(©NPK)

ANNONSE
Annonse
ANNONSE
Annonse