Russland i trøbbel i handball-VM
Russland kom ned på jorda etter poenget måndag mot VM-verten Tyskland og tapte tysdag 23-25 for Brasil. Plassen i hovudrunden heng i ein tynn tråd.
Brasil og Russland står begge med fire poeng før siste runde i gruppespelet i handball-VM torsdag. Då møter brasilianarane svake Korea, mens Russland skal i aksjon mot tittelforsvarar Frankrike.
Frankrike har seks poeng og Tyskland fem før dei møtest innbyrdes seint tysdag kveld. Serbia kan ta seg opp i fire poeng med siger over Korea.
Dei tre beste i gruppa tek seg vidare til hovudrunden.
Felipe Borges var Brasils toppskårar med sju mål då laget tok eit langt steg mot avansement. Timur Dibirov og Dmitrij Zjitnikov scora seks kvar for Russland.
(©NPK)
Felipe Borges var toppscorar då Brasil slo Russland i handball-VM tysdag. Her er han i aksjon i ein tidlegare kamp. Foto: Serene Stache, DPA via AP / NTB scanpix
