Russland: Missil-konflikt er uunngåeleg utan våpenavtale
Russland foreslår ein avtale sik at Russland og Vesten ikkje kan ramme kvarandre med missil.
– Ein konflikt om missil mellom Russland og USA er uunngåeleg dersom det ikkje kjem i stand nye avtalar om mellom anna utplassering av missil, seier Vladimir Ermakov torsdag. Han er ein framståande embetsmann i det russiske utanriksdepartementet.
Uttalen kjem dagen etter at USA og Nato svarte på ei rekkje tryggingskrav frå Russland.
Kremls talsmann Dmitrij Peskov seier at forhandlingane om kort- og mellomdistansemissil må vere med i resten av arkitekturen for tryggingsbalansen i Europa, skriv nyheitsbyrået Reuters.
Kort- og mellomdistansemissil var tema for INF-traktaten i 1987, der Sovjetunionen og USA vart samde om at dei ikkje skulle ruste opp med atommissil i Europa.
Russland ønskjer no at missila ikkje lenger skal omfattast av eigne traktatar, men heller vere ein del av andre avtalar.
(©NPK)
Russiske Iskander-missil på øving. Foto: Russian Defense Ministry Press Service via AP/NTB
