Nordre

– Russland og Kina spreier koronakonspirasjonar i Vesten

Russiske og kinesiske nyheitsnettstader spreier feilinformasjon om covid-19 i Vesten, slår ny forsking fast.

Anten det er ei forvrengd dekning eller direkte konspirasjonsteoriar, får artiklar skrive på tysk og fransk av utanlandske medium, ofte med uklare kjelder, mykje merksemd på Facebook og Twitter, skriv Oxford Internet Institute i ein ny studie som vart publisert måndag.

Nyheitene frå desse nettstadene finn eit større publikum i Vesten enn nyheiter frå dei fremste eigne nyheitsstadene til landa, ifølgje studien.

Instituttet, som er ein del av Oxford University, såg på utgivingar frå leiande medium i Russland og Kina, og dessutan Iran og Tyrkia – som alle er statskontrollerte eller tett allierte med maktregime.

På fransk, tysk og også spansk har statlege mediegrupper «politisert koronaviruset ved å kritisere vestlege demokrati, lovprise heimlandet og fremme konspirasjonsteoriar om virusets opphav», skriv instituttet.

– Ein stor del er faktabasert, men det dei har, spesielt dei russiske, er ein dagsorden for å diskreditere demokratiske land, seier Oxford-forskar Jonathan Bright.

Studien tok for seg 20 av dei mest populære historiene frå 18. mai til 5. juni frå dei statseigde russiske nyheitskanalane RT og Sputnik og dei statskontrollerte nyheitskanalane i Kina CGTN, CRI og Xinhua News Agency. I tillegg til framandspråklege nyheitsnettstader frå Iran og Tyrkia.

(©NPK)

Nyheitene frå utanlandske nettstader finn ofte eit større publikum i Vesten enn i landa der nyheitene kjem frå, ifølgje forskinga. Foto: Terje Bendiksby / NTB scanpix

ANNONSE
Annonse
ANNONSE
Annonse