Nordre

ANNONSE
Annonse

Salmonella påvist i 33 tonn kylling frå Polen

Det er påvist salmonella i 33 tonn kylling som skulle seljast i norske butikkar. Mattilsynet seier at folk kunne blitt sjuke om kyllingen kom ut på marknaden.

– Det skulle seljast vidare til butikkar, men ikkje dei store kjedene. Dette er heil kylling for sal direkte til forbrukarane, seier Muhammad Mushtaq i Norwegian M Import AS til Nationen.

Selskapet, som i sin heilskap er eigd av Islamsk Råd Noreg, varsla 15. desember Mattilsynet om at dei hadde funne salmonella i to vareparti med kylling frå Polen. Partia er på til saman 32.620 kilo.

Kyllingen har blitt sperra på fryselageret til Bring Frigo sidan salmonellaen vart oppdaga. Basert på funnet fatta Mattilsynet hastevedtak om omsetningsforbod og førehandsvarsla vedtak om retur eller destruksjon av kyllingen.

Mattilsynet har òg varsla polske styresmakter.

– Hadde dette partiet komme ut på den norske marknaden kunne folk ha blitt sjuke, seier Annette Haugane, avdelingssjef for grensekontroll og import i Mattilsynet, Region Stor-Oslo.

Salmonella kan gi diaré, magesmerter, feber og kvalme hos menneske.

(©NPK)

Illustrasjonsfoto: Cornelius Poppe / NTB scanpix

ANNONSE
Annonse
ANNONSE
Annonse